كلمات اغانى الاستاذ صلاح بن البادية

طبع الزمن
عز الدين هلالي – غناء ابن البادية

في عيونا بنشيل الصبر ... كل العمر
بنشيلو ريد وبنشيلو عز
وانت بتجينا بلا ميعاد
تحرق فؤاد عاشق بعز
وتسيبو لي ليل الشجن
اصلو طبعك يازمن
لا راضي انت تغيرو
ولا نحن راضين بالمحن
قدامنا شوق كم زول بكى
قدامنا شوف كم زول تعب
لا مرة ولا يوم اشتكى
ولا قال خلاص صعب الدرب
اهو نحن عارفين الحصل
وبرضه بنقول عاوزين نحب
وبروحنا ماشين للمحن
اصلو طبع يا زمن
شوف ... نحن عارفين
قيس ..شقى
وعارفنو كان تايه وحيد
لاحبو لاريدو اتلقه
ولا في عمره يوم عاش سعيد
طول عمره كان مستنى ليلى
وكان بيحلم بالجديد
اهو هسه مرة الف ليلة
وبرضه بنفكر نريد
مع انو عارفين الثمن
اصله طبعك يا زمن
انا ما بقول يا قلبي اقسى
وخلي للحب الدرب
لكن كمان ما تكون عنيد
وتحب ليك زول ما بحب
معقول بس زول ما بريد
يعصر وراك دم القلب
ساكت تضيع ويروح شبابك
وتفنى في نص الدرب
*****************************
ليلة السبت
طال انتظارى فى ليلة السبت
يا حلوة العينين يا انت
انسيتى وعدك باللقاء هنا
كم مرة بالله اوعدتك..
لاتفه الاسباب .. فاتنتى
ولابسط .. الاسباب فاتنتى
كم جئت امس وكم تعللتى
لو قلتى انك لست اتيه
اسكتى فى النيران لو قلتى
عبر المدى .. عينى مشردة
ترعى خيالك ربما جئت
تتهامس الاشواق اتيه
وتصيح بى الاوهام .. لن تاتى

هل ابلغوك وشاية كذبا
يا حلوتى عنى فصدقتى
ام هل خفت اعين العازلين لنا بالحى ترقبنا
فا حجمتى
ام ان مكروها الم بك
لا .. قدر المولى تاخرتى
فتصورى ما بات يعصف بى
من عاصفا اشعلته انت
وجمعت باقات الزهور هنا
ولكم .. بازهارى تزينتى
القيتها بجوار مقعدنا الخالى
حزينا اذ تخلفتى
وبكى المساء الوردى
وارتعشت كل النجوم .. عشية السبت

وحملت .. اشواقى وعدت بها
متلفحا بالليل .. والصمت
*****************
لو دايربكاى
انتي لو داير بكاي
الف اهلا يا دموع
مهما القي النار في دربك
برضي اشتاق للرجوع
اصلي عايش كل منايا
القي في حبك مصير
وانسي في عينيك شقايا
وانسي تعذيب الضمير
برضي اوصل لى نهايه
تروى ليك عمرى القصير
لى هناى تكتب بداية
حلوة زى ضحكة صغير
كنتا عايش طول سنيني
فى دروب مليانه هم
كنتا بشعر يا حبيبي
إني مخلوق للألم
لو تصدق إنو عمرى
أصلو في يوم ما ابتسم
إلا يوم ما شفتك انتي
وكنتا لى اجمل نغم
انتى لو رضيان تسيبني
ابقي في دربك وحيد
يسعدك انك تشوفني
كل يوم في هم جديد
انا برضي بى حكمك
علىّ مهما فى جورك تزيد
ابقي بي حرمانى
راضى ى هواك اموت شهيد
***********************
غنيت للستات
اغنية تراثية

غنيت انا للستات
انا قصدي الانبساط دائما
يا اخوانا مع البنات
سافرت اجيب فلوس
واختار منهن عروس عاجلا
سافرت اجيب المال
من جبال تقلي البعاد لازما
ما حد جاب لي خبر
ده حب البنات يا خال
سبب لنا استخلال دائما
يا اخوانا في البنات
حلمان حلمة الخير
في الجمعة اخر الليل نائما
قالولي انشاء الله خير
وانشاء الله خير في خير
دائما يا اخوانا مع البنات
****************

التوقيع

الحب الاديم

كلمات : مبارك المغربي
أداء وألحان: صلاح بن البادية

ما عشقتك لي جمالك
إنت أيه من الجمال
أو هويتك لي خصالك
أنت أسمى الناس خصال
أو لي روحك لي جلالك
إنت هالة من الجلال
الفؤاد دايماً بنادي
في اغترابي وفي ابتعادي
ليك لأنك من بلادي
شلت من النيل صباهو
ومن جمال النيل بهائو
من مناظر السبر صفحة
من ريهد البردي لوحة
من نخيل الباوقة طرحة
من مريدي السمحة نفحة
الطبيعة حنت عليك
خلدت بصماتا فيك
ليك غرد كل شادي
ما بصحو طريقنا باين
يا شبابنا نقيف نعاين
الأمل معقود علينا
والعمل ظمئان إلينا
بي سواعدنا ونضالنا
في جنوبنا وشمالنا
غير من يحرث أرضنا
يبني ويعمر بلدنا
غيرنا مين يفني الأعادي
نحن سافرنا وبعدنا
ما عرفنا هواك بعدنا
كل ما لاقتنا فتنة
الفؤاد حن ولفتنا
وكل ما اتمناهو بسمة
من ملاك أضناه حبو
حلموا كان في الغربة نسمة
من أريج بلدو البحبو
جينا في لهفة مشاعر
ليه تزحمنا الخواطر
نبني مجدك يا بلادي

**************************************
الجرح الابيض

لو نعيم الدنيا عندك احرميني
اوجحيم الآخرة ملكك عذبيني
انا يا ضناي يا وهجة
اشواقي الحبيسة
جرحي اصبح مابيسيل لو تجرحيني

انا لو شقاي
لو حالي سراك للعذاب
ايه جابني لولاك
بيكي كانت عرش وافلاك
ليك هجرتو وقصدته دنياك
سرت دربك ودربك اشواك
لاني قادر تاني ارجع
ولا مشاعرك راضية تسمع
دي الحياه غيرك صحارى
والسعادة محرمة معاك وآآ انيني

كان امل وكان امنيات
حبي ليك وعدرتي بيه
كان شبابي انا غالي عمري
وياما كنته بخاف عليه
ليه تنسي نارو وتطفي
نورو من حنانك تحرميهو
لكن حصل حتى الامل راح واندثر

يوم قلبك الخداع نكر
اخلاصي واشواقي وحنيني
في الماضي حسيتك نغم
يتمشى في القلب الحزين
والليلة لاقيتك عدم
كأني فارقتك سنين
بين يوم ويوم خف الالم
وصداكي اصبح يا نغم
احزان عميقة بتعتريني

***************************

يا ملك
ياملك
صلاح بن البادية

يا ملك عايزنك ديمه تكون ملك
ملك عظيم يا زول
عايزين ديمه نشوف الملك
ده سور العالي المنشبك
يحمينا يا زول
حراسو بتمسك ما بتفك
بالموت دايرين نشوف الملك
لو جيت بعيد سور الملك
ده عبيرو بجيك فايح المسك
احذر حبو لا تنشبك
ده كتير الحباهو وهلك وما بهموا
الما قادرين يصلو الملك
قالوا الأمير زي الملك
ده كذب يا زول
كيفن أمير يعادل ملك
ده بعد الهلال من المسك
بكتير يا زول
لو شفتو مره بترتبك
انوار جلالو حرس ملك
تشيلك ي زول عفه وبراءة
وطيب خصال ودلال وجمال ملك
ده ملك عظيم يا زول
*********************
وشوشى العبير

شعر أبو امنة حامد

غناء صلاح بن البادية

وشوشنى العبير فانتشيت

وساقنى الهوى فما أبيت

يد الحرير ارتعشت بكفىّ

بكيت من رعشتها بكيت

صبية ... العطر يشتهيها

أمذنب أنا إذا اشتهيت ...؟

جدائل الليل على كتفيها

تهدّلت حولى فما أهتديت

أجمل منها ما احتوى فؤادى

فالعبق الصادح ما احتويت

حبيبتى أغرودة العذارى

ورنة الأفراح إن غنيت

حبيبتى أنيقة العطايا

تهمى هوى إذا أنا غنيت

لا تسألونى كيف كان الملتقى ...؟

وكيف فى دروبها مشيت ...؟

وكيف طاف الثغر فى إبتهال ...؟

وكيف فى محرابها صليت ...؟

سرّ عميق حبها بقلبى

ما قلته للناس .. ما حكيت

فإن روى القيثار سرّ قلبىّ

قولوا لها ما قلت .. ما رويت

لكنه حين بكى حنينا

بكيت من رقته بكيت
********************
عواطف

امنتك عواطفي وخنت الامانة
حطمت في دقيقة احلامنا ومنانا

يا ناسي المحنة يا ناكر هوانا
رجع لي امانتي وشوف لو تلقى تاني
عواطف او محنة زي عطفي وحناني

لو تعرف يا اسمر معنى الشوق و ناره
كنت تنوح وتسهر اسير المو وحساره
تدوق ظلم الليالي وتقول الحب جناية
ودنياك تبقى حسرة وعذاب من غير نهاية

تعال كلمني مرة وانت تعلل معنى بعدك
انا راجيك لعلك وانت ترحم وتطرا وعدك
تنسيني المظالم وقلبي تزيل شجونو
واقول للناس حبيبي غرامي حلف يصونو
********************************
يافايت

يا فايت ومتناسينا
رسل بسماتك لينا
صدقني أنت رزين
وبسماتك حلوة وزينا
يا فايت .....

فايت ونظراتنا وراك
شايل قلوبنا معاك
إيه السبب في جفاك
بالله بس ورينا
يا فايت.....

رسلنا ليك نلومك
ده كلو خايفين من لومك
سيب الزعل وهمومك
وما تشمت الناس فينا
يا فايت ....

لو كنت زعلان حاول
ببسمة لينا تجامل
أعرف شعورك وبادل
وبحلمك شويه علينا
يا فايت.....
***************************

امنـــــــــــــــــــة


يا الأخوان حليل ناس امنة
الفي الحشاشات كامنة
*****
امنة السمحة راسية ظريفة
السمحة راقية عفيفة
موجة مقصوصة فاقدة القيفة
ان ما ادو النسيم هوفهيفه
زي زرع القمح في الزيفة
****
جلّ البي الجمال خصاها
وفي توب العفاف لماها
امنة دلالا عاملة براها
ريشة قلبي طق ... قاصاها
***
بتغير عبلة من أوصافها
رقة وذوق وزايدة لطافة
في صديرا تفاح يافـــــا
نابليون يهابا يخــــــافا
*********************************
صدفة

صدفة غريبة لقيتو الليلة
بعد غيابو ليالي طويلة

صدفة غريبة جانا الزاير
بثغرو الباسم وجهو الناير
بحنانو وعطفو وشوقو الظاهر
والامل القرب ليوم باكر
والنور الفجر دربي بشاير
بحب واماني وعاطفة نبيلة

لقيتو لسه الشوق في عينيو
حسيت بالرعشة في ايديهو
لو شفتو الخجل الكسا خديهو
والبسمة الحلوة ودلالو وتيهو
بيقولو عذابي شوية عليهو
ليالي تاني برضو قليلة

حبيبي حبو في الوجدان
تضمو ضلوعي بشوق وحنان
وطيفو معاي في كل مكان
يسقي فؤادي الهوى الوان
واطرب روحي بالالحان
وعشانو بشوف الدنيا جميلة
***************************
فتاة العاصمة

ساحرني بحسنك ده
بشوفتك قلبي بدق
ساحرني بالنظرة
ناسيني بالمرة
اسيني لو مرة
****
شفتك مرة ساعة مارة
الدلال الفيك الجمال الفيك
للعقول سر
****
اه ... ياريتني أبقى ليك زهرة
يا غانية الحمرة زي حمار خديك
تقطفني يديك وأشوف بريق عينيك
وأعيش على الذكرى
في الحياة مرة

الاخت الغالية اصداء..بالجد مشكورة كتير علي الاختيار الجميل ده..وصلاح بن الباديه فنان رائع جدا ..

تقبلي مروري

مشكور اصداء علي هذا الجهد الرايع
من الفنان الزي تغني بـ ليلة السبت و سال من شعرها الزهب و الكثير الكثير من البداعات الرايع ابن البادية

وتقبلي مروري

اقتباس :

اقتباس : المشاركة الأصلية كتبت بواسطة ود المايقوما [ مشاهدة المشاركة ] مشكور اصداء علي هذا الجهد الرايع من الفنان الزي تغني بـ ليلة السبت و سال من شعرها الزهب و الكثير الكثير من البداعات الرايع ابن البادية وتقبلي مروري

مرورك فرحة قلب لينا وانا اهوى صلاح بن البادية
بس قول ربنا يهون واقدر اعمل مكتبة الاغنية السودانية
وتسلمى يا امانى
شكرا ليك