كلمات اغانى الاستاذ الطيب عبد الله

يا ارض الحبيب
مبارك المغربى


يا أرض الحبيب .... كم لي فيك غرام

هابي علي طيب .... من ذكراك دوام

***
أطراك لو أبين ... كل صباح جديد

كم لي فيك شجون ... كل ما بقيت بعيد

حبك لي دين ..... قربك لي عيد

عاشقاك ما بخون.... غيرك ما بريد

وين زرق العيون .... للعينيه سود

***
كم لي فيك مراح ... يا أرض الحبيب

حنك لي لاح ... شفته قريب قريب

شفتو في نور الصباح.... شفتو في سر المغيب

شفتو و الغيد في الوشاح ... لاهية تلعب بالقلوب

شفتو في اللهو المباح .... شفتو في الشط الرحيب

****
يا مهد الجمال ... ما حبيت سواك

أيه بحر الشمال ... و انت النيل حداك

صافي يفيض زلال ... عندو جلس ملاك

في حسنه الهلال ... في سحرو الهلاك

شوقي اليكا طال ... قولي متين أراك

************************************



عود لينا يا ليل الفرح

عد لينا ياليل الفرح داو القليب الإنجرح
خليهو يفرح مره يوم طول عمرو ناسيهو الفرح
¤¤¤
عد لينا ماتبكي العيون الشاربه من بحر الخجل
عد لينا ماتعدد دروب
ريانة بتسيب بالامل
عد لينا قبال الخريف يرحل يسيب ايامنا بتصيبه المحل
إمكن تطيب اشواقنا يوم وتودي لي شوقك يصل
¤¤¤
لكن ياليل كيفن تعود تتحدي ليل
اسود ومن اغلا العهود رياد يسيل
كيفن تعود والليل بيتوسد ضفاير حبي زي طفلا" صغير شايلنو شيل
إتغني بي حلو الاغاني الطيبه راجيك من قبيل

********************************
احساسى بيك

احــــســـــاســي بـــــــيـــــك


احساسي بيك لو عارفا

يا ست العيون ما بتسرحي

ما تزيدي نيراني العلي

قلبي الرهيف ما تجرحي

عينك سفر مشوار عذاب

ارهق خطايا واتعبا

لوضعيتا في سكة هواك

في الدنيا ناس الحب شقاها وغلبها

في الدنيا ناس الحب شقاها وعذبها

خلاها في ارض الوطن متغربة

عينيك بدور فيها السفر

بسرح مع عينيك كتير واتاملا

عينيك كون ينبوع شجون

لمن تتوه ما اجملها

كيفن يهون اقسا واخون

اجمل عيون واتجاهلا

وحيات عيونك انا ما بخونك

لا لا والف لا
**********************************

ياغالية يا نبع الحنان

يا غالية يا نبع الحنان
يا حبيبة يا ست الحسان
انا حبي ليك فاق الظنون
واخلاصي باقي مع الزمان
خليني جنبك ياحبيبة
قلبي مات ماتقولي الوداع
خليني انسى عذاب سنيني
قضيتو من هم وضياع
خليني اشعر بي وجودي
وانسى ايام الضياع
خليني احيا على امل
ولقياك لوك بالخداع
غصبا عني يا املي وحياتي
ولقيت خطاك سايقاني ليك
غصبا عني يا املي وحياتي
و قولي لخطاك طال سايلاهو ليه
نسيت مشاعري كل لي
برضو اللي في دمي بيسلم عليك
وحيات شبابي يا حبيبة
سعدي وشقاي انا بين ايديك
دايرك تكوني شريكة لي
واكون معاك واخلص اليك
دايرك تكوني شريكة لي
واكون معاك واخلص حبيب
يا غالية يا نبع الحنان
يا حبيبو يا ست الحسان
************************************
يا فتاتى
محمد سعيد العباسى

يا فتاتى..ما للهوى بلد
كل قلب فى الحب يبترد

وأنا ما خلقت فى وطن
الهوى فى حماه مضطهد

فلماذا أراك ثائرة
وعلام السباب يضطرد

والفراء الثمين منتفض
كفوؤاد يشقى به الجسد

الأن السواد يغمرنى
ليس لى فيه يا فتاة يد

أغريب؟.. ان تعلمى فأنا
لى ديار فيحاء ولى بلد

كم تغنيت بين أربعه
لحبيب فى ثغره رغد

ولكم زارنى وطوّقنى
بذراعيه فاتن غرد

أى ذنب جنيت فاندلعت
ثورة منك خانها الجلد

أو ذنبى فى قبلة خطرت
مع نسيم اليك يتئد؟

ألهذا فالنهد مضطرب؟
ولهذا العيون تتقد؟


ولماذا هذا الصليب يا ترى
بين نهديك راح يرتعد؟

خبرينى ذات الفراء فقد
جف جنانى وأجدب الرشد

أيمر النميربي ألقا
وأنا ظامئ ولا أرد؟

أو غيرى هواك ينهبه
وفؤادى لديك مضطهد؟

ألى الهجر والقلى أبدا
ولغيرى الشفاه والجسد؟

لى كغيرى يا زهرتى أمل
وفؤاد يهوى ولى كبد

لى بدنياي مثلما لهمو
لى ماض وحاضر وغد

فالوداع الوداع قاتلتى
ها أنا عن حماك أبتعد

سوف تنأى خطاي عن بلد
حجر قلب حوائه صلد

وسأطوى الجراح فى كبدى
غائرات وما لها عدد
*********************************
قالوا لى انساه
للطيب عبد الله

قالوا لي أنساه .. وامسح من خيالك ذكرياتو
وانسى كل الماضي .. وابعد عن طريقو وعن حياتو
فات وخلاك للزمن
ضاعت آمالك سداً
ليه تحن من تاني .. ليه تفكر في صلاتو

*******
السنين العشت فيها معاك هنايا
أقوى من قول العوازل .. واسمى من كلمة وشاية
لو خلاص قلبك نسى الأيام معايا
برضي راضي .. في الغرام كم من ضحايا
بس تأكد يا حبيبي .. إنو حبك في دمايا

*****
بالأمل صبرت قلبي .. وعشت في دنيا الأماني
أهدهد الشوق بين ضلوعي .. واترجم الآلام أغاني
أروي للناس سر عذابي .. واحكي ليهم ما شجاني
لا نفع دمعي السكبتو .. ولا شفع عندك حناني
******
الغريب عن وطنو مهما طال غيابو
مصيرو يرجع تاني لي أهلو وصحابو
ينسى آلامو وشجونو .. ينسى حرمانو وعذابو
إلا قلبي في هواك طال اغترابو
*********************************
الابيض ضميرك
إنت يا الأبيض ضميرك
صافي زي قلب الرضيع
في كلامك وابتسامك
أندي من زهر الربيع

عشت متهيئ لحبك
كل أيامي وحنانها
ابتسامك عزيزة

بحرق الآهات عشانا
بس لقيتك إنت حائر
تظلم الحب بالمهانة
الدموع السايلة مني
يا ما سالت حرقتني
والظنون الحارقة قلبي

بالماسي كم شقتني
كنت بجني شقاك محنة
وأعشق أوهامي الطوتني

*************************
يا اللاهيك جمالك

يا اللاهيك جمالك وما هاميك شقاي
حبك نار سعيرك موقد في حشاي
انا عشت ليك وبيك يا روح مناي
اخر العمر جيت لقيتك ماك معاي

كيف تنساه ريدك وتنسى حبيب قساك
تنسى الافنى عمرو عشان يكسب رضاك
اصلو الغالي غالي وكيف يرخص معاك
وللا عشان انت غالي وما بنطال سماك

بحلف بعيونك وبورد الخدود
ما حبيت خلافك ولا نسيت العهود
رغم جفاك وجورك ونيران الصدود
حبك بين ضلوعي وفي دنيا الخلود

يا اللاهيك جمالك

************************
لقيتو واقف منتظر

لقيتو واقف منتظر تشتاقي عيوني لطلعتو
نفس الملامح والشبة .. والمشية زاتا ووقفتو
اللهفة والتوب والقوام واوصاف حبيبي وروعتو
تاريهو يا قلبي الحنين
راجيك بي شوق السنين
ياربي واقف من متين ؟
لكن اه يخلق من الشبه اربعين

من كم سنة لا هو عارف لا انا
سايقني في بحر انتظار ما عدي في ليلو الهناء
واعدني بي لحظات شجون
تشتاقا كل الامكنه
وانا في مسار الشوق لقيت
ميعادو فرهد كم سناء
ياربي جيت قبل الميعاد ولا الزمن غفلني زاد
قصة يغيب ما اظن تكون ولا اظن تدور يوم في اعتقاد
جاييهو من مشوار بعيد
كايس عليهو بلاد بلاد
مرسالو لي دائما يقول
القاهو في نفس الميعاد
انا ديمة يا اجمل ميعاد راجيهك وانت علي تطول
امشي واكوس في كل بيت
واسال صحابك وكل زول
ويقولوا لي هنا هسة كان
ما اظنو تاني علي يطول
عنك بيسال وليك بدون بدور
والقاهو في نفس الميعاد

**********************************

التوقيع

شكرا لكي اصداء علي
هذا التميز و الابداع
والطيب عبد الله من الفناني
الذين يعجز عن وصفهم السان
وتقبلي تحيااااااتي

ايامى الخوالى

ايـــــــــــــــــــــــــــــامي الخــــــــــــــــــوالي
ايامي الخوالي شفت الوحشة.......... فـــــــــــــيها
خاليه رتيبة تمشي والليلات...... شــــــــــــبيها
تطفئ شموع شبابي وتسهب ما....... علــــــــيها

انا عاقد عليك امالي.............. الكــبـــــــــــيرة
بحلم بالاماني والجنة ..........النضـــــــــــــــيرة
والاطفال عليها ثمراتها....... وعبـــــــــــيرها
ديل حبات عيونا وشمعاتنا .....المنـــــــــــيرة

انا دايرك تكوني لي عمري ........الرفيــــــــقة
ولي قلبي المقاسمة ولي روحي... الشقيــــــــــقة
زي اطيار نغــــــــــــني في...... اجمل حديـــــقة
ونتقاسم حياتنا لي اخر ............دقيــــــــــقة

***************************
مسكين المحبة

الصادق الياس -

راح زمــان كــــان ليك مكانه
وكنت أقرب منى لى
وفــجــــأة أتــغــيـــــــرت
انــت ورحت تتكبر على
يا ماطال صــبــرى وهديتك
وقلت يوم حالك تسيبه
مانفع فـيـــك الــتــوســـل
انـت زول برخص حبيبه
وابـتــديـت افـكــر لعـمــرى
الـحـق الـفـضـل اجيبه
لو ضميرك راضى سيبنى
قلبى رضيان بى نصيبه
قبل مـا تـغـــيــر دروبــك
كـنــا بنمـاسيـك نصابحك
رحت ترخص بى مقامنا
يلا بيعنا وشوف مصالحك
ما بنعاكـســك فـى طـريــقـك
بالعذاب ما بنصارحك
بالعملته انـت فــيــــــــنـــــــــا
الله يـا ظالم يسامحك
كم سـهـــرت اللــيل شقاوة
وسرت ليك مشوار يفتر
لو بـيـنـفـــع أو بـيـــشــفـــع
شــوقى فى دربك يخدر
كــم غــلطـت وشـوقى سـامح
تانى يوم القاك مقصر
والله مـســكــيـنـه الـمــحــبه
تمشى لى ناس ما بتقدر
************************************

اقتباس :

اقتباس : المشاركة الأصلية كتبت بواسطة ود المايقوما [ مشاهدة المشاركة ] شكرا لكي اصداء علي هذا التميز و الابداع والطيب عبد الله من الفناني الذين يعجز عن وصفهم السان وتقبلي تحيااااااتي

شكرى على مرورك الراقى والطيب عبد الله فنان فعلا
يستحق التقدير العالى