أنت غير مسجل في همس الحروف السودانية . للتسجيل الرجاء إضغط هنـا

إظهار / إخفاء الإعلاناتلوحة إعلانات همس الحروف السودانية
اعلانات  همس الحروف السودانية
عدد الضغطات : 2,214 دردشة همس الحروف السودانية
عدد الضغطات : 1,835 عدد الضغطات : 1,465 إعلانات همس الحروف السودانية
عدد الضغطات : 1,194
مجلة رضا الرحمن
عدد الضغطات : 2,186 مساحة  إعلانية
عدد الضغطات : 1,023
اعلانات  همس الحروف السودانية
عدد الضغطات : 1,102 متصفحك لايدعم الفلاش
إعلانات همس الحروف السودانية
عدد الضغطات : 1,216 إعلانات همس الحروف السودانية
عدد الضغطات : 1,063
إعلانات همس الحروف السودانية
عدد الضغطات : 1,013 إعلانات همس الحروف السودانية
عدد الضغطات : 1,258 إعلانات همس الحروف السودانية
عدد الضغطات : 1,114 إعلانات همس الحروف السودانية
عدد الضغطات : 1,078

آخر 10 مشاركات تجميعه تطبيقات الاندرويد Application Pack April 2014 (الكاتـب : - آخر مشاركة : - الردود : 0 - )       برنامج الربط بين الأجهزة والتحكم من بعد TeamViewer 9.0.27614 Enterprise (الكاتـب : - آخر مشاركة : - الردود : 0 - )       دورة إدارة العقل بإستخدام تقنيات القراءة السريعة والخرائط الذهنية (protic for tr (الكاتـب : - آخر مشاركة : - الردود : 0 - )       شرح برنامج ايزو بوستر 2014 (الكاتـب : - آخر مشاركة : - الردود : 0 - )       الهمس والله وبي الجـ> مشتاق لقناديلك (الكاتـب : - آخر مشاركة : - الردود : 0 - )       ليه بتنحر في ضميرك عشم إنسان حِنين من آخر قلبو رامك (الكاتـب : - آخر مشاركة : - الردود : 5 - )       أشتياق للمذهلة قلبك دليلك .. يا نسمة هايمة ومقبلة (الكاتـب : - آخر مشاركة : - الردود : 7 - )       دورة الإبــداع والتمــيز فــى إدارة الموارد البشريـــة وشـــؤون الموظفين (protic for training ) (الكاتـب : - آخر مشاركة : - الردود : 0 - )       بحيكم وعاتب عليكم ،أرجــوكم تعبت روحي .. وأســتبد بي الشــوق .. (الكاتـب : - آخر مشاركة : - الردود : 9 - )       صلي على رسول الله (الكاتـب : - آخر مشاركة : - الردود : 386 - )      
الانتقال للخلف   همس الحروف السودانية > القسم الثقافى > همس ::: عذب الكلام
همسات      وخير جليس في الزمان كتاب      

الملاحظات

همس ::: عذب الكلام منتدى يختص بنشر الاعمال الأدبية للأدباء على الصعيد العالمى والاقليمى والمحلى , والأعمال الشخصية والمنقولة ويرجى زكر المصدر عن النقل

قديم 05-07-2010, 08:41 AM رقم المشاركة : 1
معلومات العضو

الصورة الرمزية اصداء

إحصائية العضو






اصداء is on a distinguished road

 

اصداء غير متواجد حالياً

 


عدد الترشيحات : 0
عدد المواضيع المرشحة : 0
عدد مرات الفوز : 0
المنتدى : همس ::: عذب الكلام
افتراضي كلمات اغانى الاستاذ الفنان حمد الريح




الوصية

السواقي النايحة نص الليل
حنين الدنيا ممزوج في بكاها
زي طيورا في الفروع محتارة بتفتش جناها
البيوت والناس بتسال عن صبية
فارقت حلتنا زي طير غريب سافر عشية
ما حرام ماضيك يصبح ليك اسية
يا سلام لو كان جفاك بحسن نية
كنت نسيتنا الوصية المفارق عينو قوية

لا سلام منك وما منك تحية
للوراك خليتو عايش في الاسية
ما حرام يا الفنجري ما تسيب وصية
قمت زي طيرا غريب سافر عشية
ما قبيل وصوني يا حليل الوصية
كت مكضب كنت ناسي
دابو صدقت المفارق عينو قوية

اوع ليل الغربة تنسيك ريحة الطين في جروفنا
والتميرات البيهفن ديمة راقصات في حروفنا
والدعاش والغيم رذاذها في العصير بالفرح بلل كتوفنا
نحن راجعين في المغيرب
لا الديار لا حد يشوفنا لا نشوفو لا يشوفنا

>>>>>>>>>>>>>>>>>>>>>>>>>>>>>>>>>>>>>>
مناديلك
بغنيلك واناديلك بقدر خيوط مناديلك
واحبك قدر ايه ما كفاية ولما اغيب بوصيلك
ولما اعود من الغربة قبال ناس بيتنا بمشيلك
وكم تزعل معاي والشوق يعزبني وامشيلك
واعديلك وامشيلك واغنيلك بقدر خيوط مناديلك
************************
احبك قدر ايه ما كفاية فتش تلقى اسمك وين
ورسمك وين وانك وين جوة القلب وجوة العين
ولسة عز الليل يصحيني ويبكيني ويخليني
*************************
اغنيلك وبناديلك بقدر خيوط مناديلك

:::::>>>>>>>>>>>>>>>>>>>>>>>>>>>>>>>>>>>>
وجعي

لاني قدرك لابطولك لابيكس خاطري قولك
الغرام بيناتنا تائه لا هو هولي ولا هو هولك

انت يا وجعي البنيتو ياعمر في الحب بنيتو
كم زرعتك في مسامي لا ورد لا شوك جنيتو
لا فقدتك لا لقيتك ولسة ماتميتي حولك

في الفؤاد ذكراك بواجع سكتك سكة مواجع
كل ما امشيها القي سيري منك جاي راجع
لاني يائس من دروبك لاني واثق من وصولك

يا قليب بمشي وبجيها وكنت ديما مشتهيها
انسي انك يوم لقيته واوعي تتحسر عليها
يا جميلة مع السلامة لاكي زولتي ولاني زولك

لاني قدرك لابطولك لابيكس خاطري قولك
الغرام بيناتنا تائه لا هو هولي ولا هو هولك

>>>>>>>>>>>>>>>>>>>>>>>>>>>>


خليتنى ليه عشت الشقى

عشت الشقى
خليتني ليه عشت الشقى
قبال اعرفك من زمان
كم مرة لاقيتك انا
ولمحت ليك بالريد كمان
من بدري ليه ما قلت لي
انا قلبي ليك ديار حنان
وبالريد كمان صارحتني
يوم كان بيتوهني الزمان
****************
الليلة جيت شايل الفرح
قصدك تعوضني الفات
اديتني حنية عيون
ما لقيتها في اقرب صلات
اديتني احساس بعمر
حاضنو الربيع ونسايمو جات
يوم كنا في جلستنا ديك
نحكي ونعيد الزكريات
*****************
ما تشيل مع الحنية هم
وتخاف من الايام تدور
وتخاف يغيرني الزمن
واعبر بدون عينيك بحور
انا روح بتعرف عزتك
زيك كمان صادق شعور
وانا بيك منورة دنيتي
كليلة هالي عليها نور

.................................................. .................................................. ..................
طبع الحراز


الحراز مابي المطر اصلو ما رضيان يصالحو
زبهو في الامثال حبيبنا خلى ريدنا وشاف مصالحو
************************
العشم ما كان كده و يا غمامة تروحي غادي
كنت قايلك تبقي وافية وللمعزة وللمبادئ
الرجا الفي خاطره غاب وشح الكون الضباب
بيني بينك سادي باب وما اظنك تاني فاتحو
***********************
الخريف لو خيرو عمّ ما بريضي علي الحراز
يا صبرنا على الاماني طمن الناس العزاز
اصلو في الموج العسير المراكب ما بتسير
ما بكون الشوك حرير والمصفر ما بنبارحو
*******************
حقو طبعك يا حرازنا يوم عشانا تغيرو
والبيشق اعماق بحارك مافي داعي تحيرو
منك انت الحب بيقيف ومنو عاد نتخلى كيف
يا حراز مابي الخريف واصلو ما رضيان يصالحو

.................................................. .......
الدرة المكنية

ما بالنية فرقك ياالدرة المكنية
طال هجرك وزاد يابنية

هطلت دموع عينيا
هدمت امالى المبنيه
كأني أثيم يابنية
عامل في الدنيا جنيه


بتقلب فوقها أحيا
حاكيت ملدوغ الحية
بقيت صعبان يا ضحية
بنار الشوق الحية


حليل أيامنا البدريه
وجلساتنا الكانت عصرية
حليل الطلعه البدريه
ياحليل ناس لبنى و علوية


ياجاهلة حظوظي أبيه
وافكارى همومها ربيه
الجاري وحاصل بيه
.ما أظنك بيه غبيه


هجرك اورثنى بليه
واورث احشاى الليه
اذانى وبهدل لي
وشمت عذالى عليه


نشوان والروح مسقيه
من علقم الف وقيه
نيران الصد والغيه.

ما تركت فيه بقية
^^^^^^^^^^^^^^^^^^^^^^^^^^^^^^^^^^^^^^^^^^^^^

^^^^^^
ضو القبيلة

فارس وشب فارس ود الدروع والخوز
دخري الهوبة ابوي كرمك دوام مفروز
للضيف النزيل بيتك دوام محجوز
بتمد بصفة لو كان دهب مكنوز

الضيف ان عرج دارك عليها نزور
امرق بالفرح مبسوط اكيد مسرور
تبسم للجميع سنك سطع بلور
طبعك هادي اصلا حاشاك ما مغرور

الدم السقاك من الجدود خلاك
موسوم بالشجاعة فارس منو البرجاك
عند الحارة سك مين البيصل مرماك
يا اسد الخلا ضربك صميم فتاك

يرعاك الاله البكرم خصاك
والخلق النبيل تاتي علاك كساك
خلاك ضوء قبيلة كل القلوب حاباك
تسلم للجميع كوكب مضوي علاك




المصدر : همس الحروف السودانية - من همس ::: عذب الكلام






التوقيع

رد مع اقتباس

قديم 05-07-2010, 09:11 AM رقم المشاركة : 2
معلومات العضو

الصورة الرمزية اصداء

إحصائية العضو






اصداء is on a distinguished road

 

اصداء غير متواجد حالياً

 


عدد الترشيحات : 0
عدد المواضيع المرشحة : 0
عدد مرات الفوز : 0
كاتب الموضوع : اصداء المنتدى : همس ::: عذب الكلام
افتراضي رد: كلمات اغانى الاستاذ الفنان حمد الريح

من اوصاف


من اوصاف
من اوصاف نشاتك وحياك
هويتك قبل اشوف محياك
*************
هويتك يا حبيبي براك
متين يا حبيبي توفيني
وان تبريحي ما هماك
حبيبي اديني نوم عيني
انا البرعى النجوم في سماك
هويتك قبل اشوف محياك
****************
اغيثني يالمحلي حلاك
سهام عينك حامي حماك
وين صدودك منك يكفيني
هويتك قبل اشوف محياك

#############################

ما تعودينى

ما تعودني اشوفك باسم...
وترجع تاني تداري البسمة
انا بتحمل هجري مواسم.....
لو بتطيب خاطري بكلمة
يا الطليت في الزمن الحاسم ...
يالضويت بنورك ظلمة

خايفك بكرة تسيبني اسافر...
تايه شايل الريدة وماضي
شاقي ظلام الغربة ودافر ....
قدام عمري سنين الماضي
وانا جاييك من زمن غادر ....
شايل روحي عليك وراضي
راضي قساوة ظلمك حاضر...
شاهر سيف الصبر الماضي
راجي الفجر البشرق باسم ..
راجي النور البيضوي مواسم

هين لينا الخوف والظلمة...
لو في الاخر فجر النور
وعشان اسمع منك كلمة...
انا بتحمل اعدي بحور
حاضن موج الغادر نسمة...
بس على امل البسمة تزور
انت الخوف من بعد البسمة...
ترجع تاني الدايرة تدور
بترجاك بريد مقهوور...
واستناك والشوق ماسوور



###########################################


تائه الخصل

امانة عليك يا تايه الخصل

ويا خير عمّ في دروب عمرنا الضايع هطل
انحنا متين عرفناك ومتين الكنا ما دايرنو يحصل
داس مشاعرنا وحصل
***************
شلناك شمعة نسقيها الحنان
غصونها ضوها ما فتر
وغنيناك كاشواق شاربة روعتنا وحنان
همساتنا روعتنا وحنان
همساتنا لابسة ضيء القمر
وغنيناك كامال ما بتخيب
ريانة تنضم نجمة نجمة
تغزل الاهات بعهود مغسولة بعرق السهر
شلناك فوق رموش العين
سنين يا عمري كانت ساكرة تواهت درب
***************
وحيات الحنان الدقنا ليلات لو بتتزكر عسل
وحيات اهة ساقيها الدلال من النعاس خدر الكسل
تايه الخصل




#######################
حينما كنت صبيا


حينما كنت صبيا
كنت اسبح في
لهو البراءة النقية
كان معنى الحب
عندي قبلة من والديا
كان همي كل همي
واجباتي المدرسية
فكبرت وتفتحت
لدنيا شاعرية

صرت استلقي
وفي حضني ديوان غزل
كل حرف في دمائي
عاينته الا اشتعل
وارتمى في شفتيا
ينشر الدفء كتل



##############################################


ما شقيتك


اتراك مثلي يا رفيقي تمر في الزمن
عبر المهالك والليالي السود والمحن
اتراك مثلي تقتدي خمارة الشجن
وتزرو بقية عمرك الصادي بلا ثمن

لكأن في عينيك بعض اللمح من وطني
واكاد المح في وجومك لون ماساتي
جرحي وملحمتي وتشريدي واهاتي
انا هاهنا يا صاحبي اقضى عشياتي
ارثي بجانب حورة الشلالي امواتي
وجعلت صدري كهف اشباح وامواتي
كمخالب عصبية تستشرف الاهاتي

ما شقيتك وانت الشقيتني
راعي نص الهوى والغرام

ما جفيتك وانت الجفيتني
ما نسيتك وانت النسيتني
في بحور الحب كم رميتني
وكؤس الصد كم سقيتني
بخضم الهوى كم بديتني
بخيالك لو كان لفيتني
تحي صبا ترعى الزمام
راعي نص الهوى والغرام

ما الخضاب الحنن يداكي
ما الابر الدقن شفاكي
هل خطيبا طالب يداكي
الخضاب الحنن يداي
والابر الدقن شفاي
ما خطيبا طالب يداي
كفي تمسح صبحي ومساي
لك اثر البكاء يا مناي
بئس حالي بين الانام
راعي نص الهوى والغرام

خدو ماسة والثغيرو مبسم
حسن يوسف وعفاف مريم
نغمة المزمار لو تكلم
زينة الازمان لو تكتم
الدرر تنساب لو تبسم
حكم جار البي لو يقسم
اسلم العشاق للاحكام
راعي نص الهوى والغرام

اذكريني ثم اذكريني
واصليني ثم اهجريني
ذكريني شوقي وحنيني
اوعديني ثم امطليني
اذكريني ثم ارشفيني
قبلة معسولة ارشفيني
الوداع .... الوداع
حبيبي الوداع





************************************************** ******
انت كلك زينة

انتي كلك زينة

.. وعايمة كالوزينة.. ويحفظك مولاك

بالسموم تسقينا.. ويالهواك صالينا

.. ونحن ما بننساك
في ربوع وادينا و سادرة تمرح

ي فينا جل من انشاك

بقدومك اهلا .. ونعوم بشيشك مهلا

.. واطربي العشاق
عمري ضايع جهلا .. ويا دموعي انبهلن

.. وقلبي ليك مشتاق

خضرتك ليمونة.. وتينة بالزيتونة

..وساحرات عيناك
العباد مفتونة وبيك يا محصونة

وربحت الوالداك

يا ظبية الوادي .. ومنك طال ابعادي

.. وكل حين اطراك
ديمة بس في عنادي.. ولمحتك اسعادي.

. وما بيشيق نجواك

يا ام كفيلا عيبة .. وشعري ساكت غيبة

.. ومافي زول بيسواك
لي في حبك نيبة .. وروحي طال تعذيبها

.. وجنتي رؤياك

قلبي ليكي وسادة .. وخايلة ساكت سادة

..والنفوس حاباك
ما كفاك بزيادة .. وهجري صار ليك عادة

.. وروحي ميتة وراك
**********************************
**************************************

طارق الروح


يا طارق الروح
يا طارقا للروح مهلا
انني ما عدت اهوى
ليت قلبي كان سهلا

قد رشفت الحب مرة
كان طعم الحب مرا
عشته سرا وجهرا
يا لقلبي صار كهلا
ليت قلبي كان سهلا

اسالي العشاق عني
واسمعي الاهات مني
لا تؤاخذني فاني
قد عرفت الحب مرة
ليت قلبي كان سهلا

مدخل الحب ارتعاشة
والهوى في الروح عاشا
كيف بالله تلاشا
تارك في القلب ظلا
ليت قلبي كان سهلا

يا رياح الحب جودي
عطري كل الوجود
واهتفي بعد الركوض
مرحبا بالحب اهلا
ليت قلبي كان سهلا



************************************************** ************************************************** *****
*********************************
نسمة العز


نسمة العز يا سماحة
طوفي بالخير في سياحة
زوري الشقي الما لاقي راحة
رشي الفرح في كل ساحة
نسمة العز يا سماحة
**************

جففي العرق المعطر
توب جبين بلد الغلابة
وطلي يا شمس السعادة
في ديار شاخت حزن
واتكسحت من طول عذابها
************
قابعة في مدن الاسى
اصلو الفرح ما دق بابها
بي عيونك فريحها
من جمالك جمليها
خليها ترجع للشباب
*********
في معاناة الهجير
كوني للكادح مظلة
صبريهو وقولي ليهو
في كفاحك يعينك الله
ابقي في صحراهو واحة
خلي الربيع يديهو طلة
بددي الهم والاسية
واسعدي الناس الشقية
وعنهم زيلي المزلة
************
فرحة عيونك وزعيها
حارة حارة وحلة حلة
*******
ضمخي الناس بالفضيلة
وجرتقي الداير العديلة
خلي قدح الخير معلا
ما انت لما تطل عيونك
بسلم علاج لكل علة



#####################
###############
######

فى انتظار عينيك


رجيتك وفي انتظار عينيك كملت الصبر كلو
أنا وأشواقي والساعه ميعادك جينا من قبلو
ولامن راح زمن جيتك وخطاك في دربي ما طلو
شفقت عليك من السكه ودموع عينيّ وراك كملو
......................
قبل ما قلت جاييني كنت تغيب واتوتر
عشان ما تنسى زكرتك وقلت براك بتتزكر
ما خليت قلب فيني عشان ما قلت تتاخر
يعني اقول نسيتني خلاص وحاتك الله لا قدر
.............................
رجعت واسفي في عيوني ودرب الرجعة ما عرفتو
كل الجيبنا بالافراح فارق دربي يوم فتو
حالي البي اصبح كيف اريتك جيت براك شوفتو
وحاتك ما بلومك يوم حتى لو ميعادنا اخلفتو
..............................................
عشان عارفني بستناك ابيت ميعادنا توفيهو
اريتك كنت جيت تاني وشلت قليبي بالفيهو



#########################################
#######################

يا مساخة الحلة


يا مساخة الحلة
يوم ناس امنة فاتو
والقمرة غابت في عشياتو
ولا فرشت رمال الحي لجيناتو
والقمري عشعش ما قوقن جنياتو
ما قوقن قوقن جنياتو
ولا معروف مكان راحو
وين فاتو ....
..........................
نحب ياتو ... نسيب ياتو
نحب النيل وشتلاتو
نحب نخلا تهش للناس زعيفاتو
نحب بنوتنا لما الليل يسافر بنجيماتو
وانتو هناك يا ناس امنة

سيد الوجعة ما عارفين حكاياتو



المصدر : همس الحروف السودانية - من همس ::: عذب الكلام






التوقيع

رد مع اقتباس
قديم 05-07-2010, 09:36 AM رقم المشاركة : 3
معلومات العضو

الصورة الرمزية ود المايقوما

إحصائية العضو







ود المايقوما is on a distinguished road

 

ود المايقوما غير متواجد حالياً

 


إرسال رسالة عبر MSN إلى ود المايقوما إرسال رسالة عبر Yahoo إلى ود المايقوما
عدد الترشيحات : 0
عدد المواضيع المرشحة : 0
عدد مرات الفوز : 0

اوسمتي

كاتب الموضوع : اصداء المنتدى : همس ::: عذب الكلام
افتراضي رد: كلمات اغانى الاستاذ الفنان حمد الريح

مشكورة يا اصداء علي

هذا العمل الرائع

مزيد من التوهج والابداع في همس الحروف

تقبلي تحيااااااتي




المصدر : همس الحروف السودانية - من همس ::: عذب الكلام






التوقيع

رد مع اقتباس
قديم 11-02-2010, 01:56 PM رقم المشاركة : 4
معلومات العضو

الصورة الرمزية ود شبشة

إحصائية العضو







ود شبشة is on a distinguished road

 

ود شبشة غير متواجد حالياً

 


عدد الترشيحات : 0
عدد المواضيع المرشحة : 0
عدد مرات الفوز : 0
كاتب الموضوع : اصداء المنتدى : همس ::: عذب الكلام
افتراضي رد: كلمات اغانى الاستاذ الفنان حمد الريح

تسلم والله على الكلمات الروع دي والله للمبدع دوما الاستاذ الكبير / حمد الريح
شكرا ليك مرة ثانية وفي انتظار المزيد دوما



المصدر : همس الحروف السودانية - من همس ::: عذب الكلام






رد مع اقتباس
إضافة رد
مواقع النشر
الكلمات الدليلية
الاستاذ , الريد , الفنان , اغانى , خلي , كلمات

إظهار / إخفاء الإعلاناتالإعلانات التجارية
عدد الضغطات : 535 عدد الضغطات : 509
عدد الضغطات : 458 عدد الضغطات : 447
يتصفح الموضوع حالياً : 2 (0 عضو و 2 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى الردود آخر مشاركة
كلمات اغانى الفنان الراحل احمد الجابرى اصداء همس ::: عذب الكلام 3 08-08-2012 02:51 PM


Loading...


Powered by vBulletin® Version 3.8.7
Copyright ©2000 - 2014, vBulletin Solutions, Inc. Trans by
Ads Management Version 3.0.1 by Saeed Al-Atwi
® جميع الحقوق محفوظة لدى همس الحروف السودانية ™

a.d - i.s.s.w

|